ఇలవేల్పుగ వెంట నిలచి
ఇలలో నే జేసిన పనులన్నిట తోడుగ
నిలచినది సత్యదేవుడె
కలలో యిలలో నెపుడును గాచెను రమణా
తెలిసీ తెలియని వయసున
కలత పడిన మనసుతోడ ఇల తన సన్నిధి
నిలువగనె వేంకటేశుడు
చలచల్లగ దారిజెప్పె కరుణతొ రమణా
యిమ్ముగ రాముని దలచిన
గమ్మున వెంటగ నిలబడి కరుణతొ నెపుడూ
నమ్మిన వానిని యెన్నడు
దమ్ముగ యాపదల గాచుగదరా రమణా
రామాయని ప్రార్ధింపగ
యేమాయని వాయుపుత్రు డేతెంచినాడు
రాముని దూతగ నాకిల
నోముల పంటగ హనుమను కొలిచెద రమణా
No comments:
Post a Comment